Vacatures

Scuba Lodge, ta en buska di algun kolega nobo!

Scuba Lodge, un hotel butik, ku su 5 edifisionan vibrante di koló den e area di Pietermaai ta eskpande su tim. T’abo ta e kolega ku nos ta buskando?

Bo ta un persona ku:

• Ta servisial i semper alegre?
• Ke forma parti di un tim alegre i dínamiko?
• Ta para habrí pa amplia bo konosementu di nos isla?
• Gusta tin kontakto sosial ku bishitantenan di nos isla?
• Ke siña di otro kulturanan?
• Ta dominá hulandes i ingles. I ke praktiká nan diariamente? Bo ta dominá mas idioma tambe manera portugues, spaño of aleman?
• Ta para habri pa tur dia di nobo siña kosnan nobo?
• No gusta para den file i ta preferá di ta liber ora tur otro ta na trabou?

Ainda bo ta duda ku t’abo ta esun ku nos ta buska?
Komo nos kolega bo tin e posibilidat pa amplia bo konosementu riba diferente tereno manera sosial, administrativo, komersial, kon pa maneha, duna servisio, medianan sosial i tèkniko. Tambe bo ta disfrutá di diferente posibilidat pa siña konosé nos isla gratis of pa preisnan redusí! Tambe bo mes tin e liberdat di plania bo dianan/ orario ku bo ta traha (konhuntu ku sobra kolega di 7or pa 3or of 1or pa 9or) Kiermen kuminsa trempan, kaba trempan, skapa file. Of hasi bo kosnan personal mainta kaba bin trabou un ratu. Yega kas ainda na tempu pa chill ku bo famia. Bo tambe ke disfruta di deskuento riba bo estadia den diferente hotelnan ront mundu of sierto restorantnan lokal?

Tuma e kurashi i laga nos sa ku bo ta kla pa forma parti di nos “Winning” Tim?
Djis manda nos un video kòrtiku (max 1 minut) via WhatsApp (+5999 465-2575) kaminda bo ta introdusí bo mes na e idioma hulandes i/of ingles.